Conservative activist-in AI vangin Google khing

Conservative activist Robby Starbuck chuan tech company lian, Google artificial intelligence system in a chanchin dik lo taka a ziah avangin Google a khing.

Starbuck chuan Nilaini khan Delaware state court-ah Google khinna hi a theh lut a, Google AI system chuan a chanchin an zawhna a chhanaah, 'naupang pawngsualtu' , 'mipat hmeichhiatna lam hawia pawikhawih ṭhin' leh 'mi kaptu' ti tein a ziak tel a, Google hmangtu mi maktaduai telte hnenah dik lo takin a chungchang a hriattir a ni, a ti.

Google thupuangtu, Jose Castaneda chuan AI system tihsual hi Bard large language model tihsual, kum 2023-a company in siamṭhat tuma an lo buaipui tawh vang niin a sawi. Starbuck hian hetiang bawk hian kumin April thla khan Meta Platform a khing tawh bawk a, August thla khan an buaina hi an chingfel thei a ni.