Japan PM hlui Murayama a thi

Japan prime minister hlui, kum 1995-a Indopui II-na hunlaia an ram beihna tuartute chunga ngaihdam dilna tichhuaktu, Tomiichi Muryama chu nimin khan kum 101 mi niin a thi.

Myarama hi Japan chhim thlang lama Oita khaw damdawi-inah a thi a ni. Kum 1994 June - 1996 January chhung khan hetih hunlaia Japan Socialist Party, a hnua Social Democratic Party tia thlak zui tak kaihhruai ṭangrual sorkarah prime minister a ni. Indopui II-na tawpna champha vawi 50-na, kum 1995 August 15 khan thupha chawina hi a tichhuak a, hei vang hian a lar phah hle.

Indopui II-na hunlai Japan sipaite chet dan chungchangah an ram hruaituin thupha chawina a tihchhuah hmasa ber a ni a, a hnuah prime minister dangte pawhin thupha chawina hi an siam chhunzawm ve zel a, kum 2013-ah prime minister Shinzo Abe-a'n ngaihdam dilna an siam ṭhin hi a titawp ta a ni.