Inremna bawhchhiaah Israel leh Hamas inpuh tawn

Israel leh Hamas chuan Gaza Strip-a inkahhai puanna atana inremna an siamte bawhchhiah an inpuh tawn.

Hamas hian inremna an siamin Israel mi an hren, nungdama awmte chhuah vek mah se, thi tawhte ruang hlan tel vek tura tih chu a la tihlawhtling thei lo. Israel mi an man, thi tawh 28 zinga mi 19 ruang an la hlan lo. Hetih lai hian Hamas lam chuan inkahhai puan hnu, Ningani khan Israel sipaite beihna avangin Gaza Strip-ah mi pasarih an thi niin an sawi ve bawk.

Israel sorkar thupuangtu, Shosh Bedrosian chuan inremna thuthlung an siamah an tarlan angin, Israel mi ruang la hlan lohte chu hlan kim vek turin Hamas chu an phut tlat tih a sawi. Hamas-in ruang an hlan kim har avangin Gaza Strip-a chhawmdawlna thawn luh theih zat tur pawh tihtlem an tum tih Israel chuan UN a hrilh a ni. Ram hrang hrang hruaitute chuan Israel leh Hamas chu inremna an siamte zawm tha turin an ngen.