Philippines-ah magnitude 7.4-a nain lir a nghing

Philippines ram chhim lamah nimin zing khan magnitude 7.4-a nain lir a nghing, in eng emaw zat a chim a,mi pahnih an thi. Tuipui hnaiha chengte chu tsunami a thlen venthawn thilah insawn chhuak tura tih an ni.

President Ferdinand Marcos Jr. chuan lirnghingin chhiatna a thlente enfiah mek a nih thu a sawi a, harsatna tawkte chhanchhuah leh chhawmdawl hna thawk tur tirh nghal an nih tur thu a sawi.

Philippine Institute of Volcanology and Seismology chuan lir nghin ṭanna hi Davao Oriental province-a Manay khaw chhim chhak lam, km 62 vela hlaah niin, an ram huna zing lam dar 9:43-a thleng niin a tarlang. Province governor Edwin Jubahib chuan in eng emaw zat a chhia a, Davao-a international airport pawh hmun ṭhenkhat a chhe tel niin a sawi a, mahse flight cancel erawh a awm lo thung.

September 30 khan magnitude 6.9-a nain Cebu province-ah lir a lo nghing tawh bawk a, chhiatna a thlenah mi 74 an thi a, mi sang tel chu hmun him lamah an insawn chhuah a ngai bawk a ni.

Philippines ram hi Pacific Ring of Fire-a awm a ni a, lirnghing na tak a tuar fo a ni. Hei bakah khuarel chhiatna dang, thlipui tleh leh tlang kang pawh a tuar fo bawk.