Pakistan security force headquarters pawnah bomb puak

Pakistan ramah Thawhlehni khan paramilitary security forces headquarters pawnah car bomb chak tak tihpuah a ni a, mi 10 an thi. Hliam 30 vel an awm bawk niin thuneitute chuan an sawi.

Pawikhawihna thlenna hi an ram chhim thlang lam, Quetta khuaa Frontier Constabulary headquarters bulah a ni. Bomb tipuaktu zinga mi nia sawi mi paruk chu thi zingah an tel. Eng pawl mahin he thil hi an tih a nih thu an la sawi lo.

Provincial health minister Bakhat Kakar chuan hliam tuar zingah ngaihtuahawm tak tak an awm avangin thi zat hi an la pun chhoh mai theih thu a sawi. Pawikhawihtute hian security forces headquarters hi an beih tum ber ni mah se, thi leh hliam zinga a tam zawk chu civil mi an nih thu a sawi.