South China Sea-ah China leh Philippine lawng insu

South China Sea-a Scarborough Shoal bulah nimin khan China leh Philippine lawng an insu a,thiam lo zawkah an inpuh tawn.

Scarborough Shoal hi China leh Philippine hian a neitu zawk nih an inchuh mekna a ni. A neitu zawk tak hi tihchianna a la awm lo a, mahse China hian a thunun zawk a ni. China ṭawngin Hyangyan thliarkar tiin a vuah a ni a, Philippine lamin Bajo de Masinloc tiin a vuah thung. China coast guard chuan Philippines lawng 10 chuang chu hmun hrang hrang aṭangin Scarborough Shoal-ah an lut a, an lawng pakhat chu an rawn su lui niin a sawi.

Philippines lam chuan China puhna hi phain, China hian water cannon chak tak hmangin an sangha manna lawng pahnih chu minute 30 chuang phuhin lawng pakhat a captain cabin a chhiat phah a, thawktu pakhatin hliam a tuar tih a sawi thung.

China hian ni sarih liam ta khan Scarborough Shoal hi national nature reserve-ah a puang a, hei hi Philippine sorkar chuan hnawlin an lungawi loh thu pawh an lo thlen tawh a, ram dang eng emaw zatin Philippine hi an thlawp a ni. Tun hma lam pawhin South China Sea chungchangah ram pahnihte hian an lo intibuai fo tawh ṭhin.