Tripura CM-in Amit Shah leh Gadkari hmu

Tripura chief minister Biplab Kumar Deb chu Delhi-ah zinin, union home minister Amit Shah leh union minister for road transport and highways Nitin Gadkari te a hmu a, an state chhunga project kalpui mek hrang hrangte a sawipui. 

CM Deb chuan central hruaitute pahnih hi a hran ve vea a hmuh thu leh, Tripura-a hmasawnna hna kalpui mek chungchangte khunkhan taka a sawipui thu a twitter-ah a tarlang. 

Deb hian Agartala-Akhur rail link junction point, Nischintapur-a integrated check post siamna tur te, sumdawnna tihlenna tura bungrua buaipuina tur hmun siamna tur sanction turin a ngen. Hei bakah hian Tripura-a border fencing work thawh mek chu a hun taka zawh a nih theihna tura inrawlh turin Amit Shah pawh a ngen bawk.

Union minister Gadkari nena an inkawmnaah, CM Deb chuan Tripura-a national highway project thawh mek dinhmunte a hrilh. Km 262-a thui national highway siam hna thawk mek hi kum khat leh a chanve hnuah zawh fel tura ruahman a ni a, a siamna atan hian cheng vaibelchhe 2,752 ruahman a ni.