Libya-a municipal inthlan vangin UNSMIL a lawm

United Nations Support Mission in Libya (UNSMIL) chuan Ningania Libya khaw­thlang lam hmun li laia hrileng kara municipal inthlanna neih a ni chu lawmawm an ti hle.

Hay Alandalus, Swani Bin Adam of Greater Tripoli, Gasr Alakhiar leh Zlitin municipal-ahte inthlanna hi an nei a ni. Libya-a UN secretary-general acting special representative, Stephanie Williams chuan municipal inthlan hian Libya mipuiten democratic right an neihna chu a tilang a ni, tia sawiin, zalen taka inthlanna an nei thei chu a lawmawm a tih thu a sawi.

Central Committee for Municipal Council Elections (CCMCE)-in hri leng karah inthlanna a buatsaih thei chu lawmawm a tih thu Stephanie Williams chuan a sawi bawk a, CCMCE hian World Health Organization (WHO) leh National Center for Disease Control (NCDC) rawtna anga inthlan tluang taka a kalpui thei a lawmawm a tih thu a sawi uar hle a ni.