Malaysia-ah Covid-19 hri kai tam ber ni thleng

Malaysia health ministry chuan Ningani khan an ramah Covid-19 hri len ṭan tirh aṭanga hri kai tam ber ni a thleng tih tarlangin, hri kai thar mi 3,027 an awm.

Hri kai thar zinga paruk chu ramdang aṭanga Malaysia-a rawn lut an nih thu health ministry director general Noor Hisham Abdullah chuan a sawi. Malaysia-ah hian nimin thleng khan Covid-19 hri kai mi 1,28,465 an awm tawh.

Ningani vek khan Covid-19 vanga thi mi pariat an awm a, anni nen hian he hri vanga Malaysia-a thi tawh zawng zawng chu 521 an tling tawh a ni. 

Hri kai enkawl dam tawh mi 1,02,723 an awm a, enkawl mek 25,221 an la awm bawk. Nikum January 25 khan Malaysia ramah hian Covid-19 case hmasa ber hmuh chhuah a ni a, hri kai hi China aṭanga haw a ni.