US Secretary of State-in Israel tlawh

US secretary of state Marco Rubio chuan Pathianni khan ni hnih cham turin Israel-ah a zin.

United Nations ah member tam zawkin Israel duh dan thlauhthla a, Palestinian state pawm an tum thu an sawi mek karah, Rubio-a'n Isarel a tlawh hi US-in Israel a thlawpna lantirna pakhat anga ngaih a ni. Israel prime minister Benjamin Netanyahu chuan Palestinian state pawm tumtu ram hrang hrangte chu na takin a lo sawisel tawh hlawm a ni.

Rubio hian nimin khan PM Netanyahu meeting a neihpui a, a cham chhung hian Hamas-in an mi hren chhungte a hmu dawn bawk a ni. Israel pana a chhuah hma hian Rubio chuan Hamas mi hrente him taka hruai kir leh chu a ngaih pawimawh hmasak ber a nih thu sawiin, remna leh muanna siam chu an tum ber a nih chuan Hamas an din zel a rem loh thu a sawi. Mi hrente chhuah an nih theih dan tur chungchanga chu a zinna a ngaihtuah ber tur pawh a ni tih a sawi a ni. Pathiannia Israel a thlen hnuah Rubio leh Netanyahu-te chu Jerusalem-ah Western Wall an tlawh a, lung karah lehkha te dahin an mi hren mekte tan ṭawngṭaina hun an hmang bawk tih an sawi.