Vatican-ah drone show ropui nei

Vatican-a St. Peter's Square-ah Inrinni liam ta zan khan Grace for the World concert ropui tak a neih a ni a, concert zawhah drone show ropui tak neih zui a ni bawk.

Concert hi World Meeting on Human Fraternity 2025 kharna atan neih a ni. Meeting-ah hian ram hrang hrang aṭangin mi 500 chuang an tel a, dialogue panel 15 awmin remna leh muanna, khawvel leilung duat dan tur, technology nghawng leh mihringte hmalam hun changchang an zir ho a ni. Concert hi mi 80,000 velin an chhim a, concert zawhah drone show neih a ni a, Sistine Chapel chungah drone 3,000 chuang hmangin fam ta Pope Francis, Virgin Mary, ṭhuro, leh Michelangelo-a'n Adam-a lem a ziah angte chu siam a ni. Drone show hi Elon Musk-a unaupa, Kimbal Musk-a company, Nova Sky Stories in an entir a ni.