Mexico City-a gas tanker puakah mi 3 an thi

Mexico khawpui, Mexico City-ah an ram huna Nilaini zan khan gas tanker a puak a, mi pathum an thih bakah mi dang 70 an hliam. Hliam zinga mi 19 te chu an dinhmun a ṭha lo hle

Gas tanker hi Iztapalapa district-a highway-ah chesualin tanker hi a puak a, a kang zui bawk. Kangmei nasa tak dang 30 an kang tel a ni. A chetsual lai hian tanker hian fuel litre 49,500 vel a phur niin fire department thupuangtu Judith Rodriguez Vargas chuan a sawi.

Mexico City mayor Clara Brugara chuan chetsualna thlen dan chu chhui chian a ni dawn tih a sawi. Gas tanker-ah hian energy business, Silza logo a inziak a; mahse, company official chuan an motor a ni lo tih a sawi thung. Environment ministry chuan Silza hian fuel phur tura insurance tihṭhat ngaite an ti lo niin a tarlang bawk.