Thailand PM thar Anutin Charnirakul thlang

Thailand Constitutional Court-in an ram prime minister aṭanga Paetongtarn Shinawatra a ban hnuah, kar liam ta Zirtawpni khan Parliament chuan prime minister thar atan veteran politician Anutin Charnvirakul an thlang. Nimin khan an ram lal, King Maha Paetongtarn-a'n PM thlan thar hi a pawm hnuah Bangkok-a Bhumjai Thai party headqquarters-ah lak luh a ni.

Kum 58 mi, Anutin hi PM ban tak, Paetongtarn kaihhruaina sorkarah deputy prime minister leh interior minister te a lo ni tawh a; mahse, Paetongtarn leh Camboia ram hruaitu Hun Sen te telephone-a inbiakna a put chhuah hnuah sorkar a thlawpna hi a hnukdawk a ni. Zirtawpnia Parliament-a PM thar thlannaah Anutin hi eptu party lian ber, People's Party-in an thlawp a ni. Anutin hian thla li chhunga Parliament ṭhiah a, ram danpui siamṭhatna duanah mipui vote lak a tiam ve thung. People's Party hian Anutin hi thlawp mah se, eptu pawl lamah an awm chhunzawm zel dawn tih an sawi.

Anutin hi kum 2023-a Thailand inthlanpui neih hnua Prime Minister atana lak luh pathumna a ni. National Institute of Development Administration-in mipui ngaihdan a lakna thar ber, nimina a tihchhuahah Thailand-a voter 59.24% chuan Parliament chu a rang thei ang bera ṭhiah a, inthlan buatsaih an duh. 60% chuan an ram danpui siamṭhat tur chu an thlawp tih an sawi bawk.