Poland airshow rehearsal-ah thlawhtheihna chesual

Poland-a Air force F-16 fighter jet chu airshow neih tur atana Ningania enchhinna an neihah chesualin a tla a, pilot a thi. Airshow hi central Poland-a Radom khawpuiah vawiin hian neih tura tih a ni a, mahse, chetsualna a thlen vangin an ṭhulh nghal a ni.

Fighter jet hi boruaka barrel-roll aerobatic a entir hnuah runway-a a ṭum tur chesualin a puak a, a kang zui bawk. Chetsualna hi an ram huna Ningani tlai dar 5:30 vela thleng a ni. Pilot hming hi puanzar a ni lo.

Prime minsiter Donald Tusk, deputy prime minister leh national defence minister Wladyslaw Kosniak-Kamysz te chuan chetsualna thleng chu pawi an tih thu leh, pilot thi ta chhungte an tawrhpui thu an sawi.