Tleirawl intihhlumnaa mawhphurtuah ChatGPT puh

US-a San Franciso state court-ah kumin April 11-a mahni intihlum, kum 16 mi Adam Raine nu leh pa chuan a intihlumnaa mawhphurtuah ChatGPT puhin, a siamtu OpenAI leh CEO Sam Altman khinna an theh lut.

Adam Raine nu leh pa chuan an fapa hian ChatGPT-ah thla eng emaw zat mahni intihhlum dan chungchangte zawtin, tihdan turte a lo hrilh zel niin an sawi. Intihlum dawna lehkha hnutchhiah tur dah tur pawh a duansak vek tih an tarlang. OpenAI chu a hmangtute himna lam aia hlawkna ringawt lam tur ringawt ngaihtuah an puh bawk a ni. OpenAI chu safety law bawhchhiaah an puh.

OpenAI thupuangtu chuan company chuan Raine thihna chu pawi a tihpui hle tih a sawi a, hemi rual hian ChatGPt hian harsatna tawkte himna turin anmahni pui theitu tur biakna turte pawh a kawhhmuh tel ṭhin tih a sawi. A hmangtute tana a him zawkna tura theihtawp chhuah zel an tum thu a sawi bawk a, an laka thubuai thehluh a nih chungchangah erawh sawi an nei lo thung.

Raine nu leh paten thubuai an theh luhah hian ChatGPT hmangtute kim zat finfiahan tur siam turin OPenAI chu an phut a, hei bakah mahni intihnat theihna lam hawi zawhna awmte chhan tir loh leh, a hmangute hnenah pawh a him tawk lo dante hrilh lawk bawk turin an ti an ni.