Vietnam-ah mi nuai 5 chuang insawn chhuak turin hriattir

Vietnam thuneitute chuan thlipui, typhoon Kajiki a tleh dawn vangin mi nuai 5 chuang chu hmun him lama insawn chhuak turin a ti. Nimin khan Thanh Hoa leh Nghe An province-a airport-te pawh khar a ni bawk.

Typhoon Kajiki hi Pathianni khan China-a Hainand Island-ah a tleh a, nimin khan Vietnam-a Thanh Hoa leh Nghe An province lam a pan a ni. Vietnam pan hian darkar khatah km 166-a nain a tleh a ni.

Thlipui thawh dawn vangin theihtawpin an lo inbuatsaih a, Vietnam Airlines chuan Pathianni leh nimin khan flight 22 a cancel. Thuneitute chuan mipuite chu pawn chhuak tam lo turin an ngen a, hmun hrang hrangah a ṭul hunah ṭanpui hna thawk turin sipaite dah an ni bawk.

Official-te chuan nikum September thlaa typhoon Yagi tlehin chhiatna a thlen ang kha a thlen leh an hlauthawng hle. Typhoon Yagi tlehin chhiatna a thlenah khan mi 300 chuang an thi a ni.