Myanmar sipaiten Mogok khua an beihnaah mi 21 an thi

Myanmar sipaiten lunghlu khur hmunpui, Mogok khua chu thawhtheihna hmangin an bei a, mi 21 an thi tih Inrinni khan sipai eptu pawl armed group leh online media-ten an tarlang.

Sipai sorkar eptu pawl, armed group Ta'ang National Liberation Army (TNLA) chuan he thil thlen hun hi Ningani zan dar 8:30 vel kha a ni tih an sawi a, mi 21 an thih bakah hliam eng emaw zat an awm a, chenna in leh Buddhist monastery te pawh a chhe bawk niin an sawi.

Mogok hi upper Mandalay biala awm niin, ruby khur hmunpui a ni. Kum 2024 July thla khan TNLA hian lain, an awp zui a ni. TNLA chuan Telegram-ah thuchhuah siamin, thlawhtheihnain bomb a thlak vanga thi zingah hian hmeichhia 15 an tel a, hliam zingah dinhmun ṭha lo tak tak an awm avangin thi zat pawh a pun chhoh a la rinawm thu an sawi bawk.

Independent online media-te chuan Mogok khua beih a nihna thlalak leh video te an tichhuak a, hetih lai hian sipai lam chuan sawi engmah an la nei lo thung.