SKorea first lady hlui court-ah inlan

South Korea president hlui, Yoon Suk Yeol-a nupui, Kim Keon Hee chu special prosecutor-in eirua puhna kaihhnawiha manna tur thupek a tihchhuah ennawn tura a ngenna hearing neihnaah nimin khan Seoul-a Soeul Central District Court-ah a inlan.

Kim Keon Hee hi man a nih chuan first lady ni tawh zingah man awmchhun a ni ang. A pasal, president hlui Yoon hi nikum December thlaa an ram sipai thuneihna sang pekna tur, martial law a puan avangin kumin April thla khan President a nihna aṭangin paihthlak a ni a, an ram sorkar laka hel leh tihbuai tuma puhna thubuai siam sak niin jail-ah a tang mek a ni.

First lady hlui hi thamna sum la leh, a mimal hlawkna tura sumdawng, sakhaw hruaitu leh politician te laka a nihna hmang sualah puh a ni. Kum 2022-a NATO summit-a a pasal a ṭawiawm ṭuma Van Cleef ṭhi, won mtd 60 ( USD 43,000) man a awrh chungchang pawh sawi zui a hlawh hle. He ṭhi hi danin a phut anga an nupa thil neih an tarlanah pawh a tel lo niin an sawi. Kim hi sakhaw pawl pakhat laka duhsakna a lantirna turin an hnen aṭangin Chanel bag pahnih, won mtd 20 man leh lunghlu ṭhi dawngah puh a ni bawk. Kim lawyer-te chuan thilpek man tam tak tak dawnga an puhna hi an pha thung.