France-ah ram kang vangin mi 1 thi

France ram chhim lam, Aude (Occitanie) ah Thawhlehni khan ram kang nasa tak a thleng a, kangmei chhuak vang hian mi pakhat a thih bakah hliam eng emaw zat an awm.

Ram kang hi kumin nipuia France ram a kan nasat ber ṭum niin, Corbières hills-ah ram hectare 11,000 vela zau a kang tawh a ni. Hei hi Paris khawpui pum zau lam nen a in ang vel a ni. Chena in 25 vel a kangchhe tawh a, in 2,500 vel power supply nei loin an awm bawk.

Kang ṭhelh hna hi kangṭhelhtu 1,500 velin an thawk a, thlawhtheihna hmangin puih a ni bawk. Kangṭhelhtu 300 chu nimin zing khan tirh belh an ni. Aude prefecture thuneitute chuan nimin tlai lam thleng khan kangmei hi a la nasain a la darh chak hle tih an sawi.

Kumin nipuiah France chhim lamah hian ram kang eng emaw zat a thleng tawh a, boruak lum leh ro avangin kangmei hi a chhuak awlin a darh chak tih an sawi. Europe hi khawmualpui zinga boruak lum chakna ber niin, chawhruala khawvel pum lum belh dan aiin a sang zawk a ni.