Bangladesh hruaituin inthlan neih hun tur a puang

Bangladesh hruaitu hna chelh lailawk mektu, chief adviser Muhammad Yunus chuan an ram inthlanpui chu kum 2026 February thlaah, Ramadan hmaa neih a nih tur thu a puang.

Prime minister hlui, Sheikh Haisina leh a kaihhruai sorkar paihthlak a nih champha vawi khatna, August 5-a thuchah a tihchhuahah, Yunus chuan inthlan neih hun tur hi puangin, inthlan neih zawh hunah chief adviser a nihna aṭanga a ban tur thu a sawi bawk.

Yunus hian a hmain April thlaah inthlan neih a nih tur thu hi a sawi a, mahse political party hrang hrangten sawn hma tur leh, Islam thla pawimawh Ramadan hmaa buatsaih turin an ngen a ni. Inthlan felfai leh muanawm tak neih a nih theihna turin sorkar chuan theihtawp a chhuah dawn tih a sawi.

Zirlaite kaihhruaia sorkar policy duh lohna lantira nikuma hun eng emaw chen nawrh huaihawt a nih hnuah, Sheikh Hasina chu August 5, 2024 khan India ramah a tlanchhia a ni.