US-in Myanmar sipai sorkar thawhpui hrekna hlip

US sorkar chuan Myanmar sipai sorkar thawhpui hrekna a lo siamsak tawh zinga eng emaw zat chu a hrekna siam aṭangin a hlip.

Myanmar sipai hotu lu, Min Aung Hlaing chuan July 11 khan US president Donald Trump hnenah lehkha thawnin, Trump chu hruaitu chak tak a ni tiin a fak a, hei bakah ram hmangaih, US ram ṭhatna tura hruaitu a ni, tiin a sawi. Hemi rual hian US-in Myanmar hrekna a siamte chu ngaihtuah ṭha leh turin a ngen a, hei hi Myanmar chauh ni lo US tan pawh a ṭha lo a ni, a ti. US nena inbiakna nei tura palai tirh a inhuam thu pawh a sawi bawk.

US-in hrekna a hlih zingah KT Services & Logistics leh a dintu Jonathan Myo Kyaw Thaung, MCM Group leh a neitu Aung Hlaing Oo, Suntac Technologies leh a neitui Sit Taing Aung bakah mimala sipai sorkar thawhpui hnaivai tak, Tin Latt Min te an tel. Treasury Department chuan an hrekna hlih a nih chhan a sawi lo a,White House lam pawhin a la sawichiang lo bawk.