Pakistan-ah ruahsur nasa avangin mi 54 an thi
Pakistan khawchhak lam bialah Nilaini khan ruahsur nasa avangin darkar 24 chhungin mi 54 an thi. Ruahsurin chhiatna a thlen vanga thi hi kar thum chhungin mi 178 an tling tawh bawk.
Pakistan Meteorological Department chuan kumin July thlaa ruahtui tla hi nikum July thla aiin 82% in a tam zawk tih a tarlang a, ruahsur vanga tuilian chuan khaw eng emaw zat a chim a ni.
Nilainia ruahsurin chhiatna a thlena thite hi Punjab province-a mi vek an ni. Rawalpindi leh Lahore khawpuia kawtthlerte pawh tuiin a chim nasa hle a, Jhelum district-ah tui a lian a, tuilian tuarte hi lawng hmanga chhan chhuah an ni.
National Disaster Management Authority chuan mipuite fimkhur turin a chah a, khualzinte pawh ruah sur nasatna bialahte leimin leh kawng min a awm theih avangin kal rih lo turin a chah bawk. An ram khawpui, Islamabad bakah Pakistan-occupied Kashmir (PoK) bakah ram chhung hmun ṭhenkhatah ruah nasa zawkin a la sur dawn niin meteorological department chuan a tarlang.