Bangladesh-in official hmeichhiate 'sir' tia kohna thupek siam a ṭhiat

Bangladesh chief adviser, Muhammad Yunus kaihhruai sorkar lailawk chuan prime minister hlui, Sheik Hasina kaihhruai sorkarin amah leh hmeichhe senior official dangte 'sir' tia kohna thupek a siam chu a ṭhiat.

Hmeichhe official-te 'sir' tia kohna dan siam hi kum 16 dawn hman a ni tawh a, mahse Yunus chuan he thil hi awm ang lo tak a ni tiin, advisory council Ningania meeting an neih hnuah ṭhiah a nih thu a sawi.

PM hlui Hasina-in high-ranking official, hmeichiate pawh 'sir' tia koh vek tura thupek a siam hian a hma pawhin sawisel a lo hlawh fo tawh a ni.

Sorkar chuan official, mipa leh hmeichhiate koh an nih dan tur zahawm zawk, an ram nunphung nena inmil tur ngaihtuah turin review committee a din. He committee hi energy, road and railway adviser Dr M Fouzul Kabir Khan leh environment and water resources adviser Syed Rizawana Hasan ten an ho a ni. Hasina kaihhruai sorkarin inkaihhruaina dan a siam eng emaw zat an ennawn dawn.