NKorea aṭanga tlanchhiain Kim Jong-un khing dawn

North Korea mi, kum 1997-a an ram aṭanga China rama tlanchhia, mahse kum 2008-a North Korea-a thawn kir leh, Choi Min-kyng chuan an ram hruaitu Kim Jong-un bakah official dang palite chu a khing dawn tih a sawi. North Korea rama piang ngeiin an ram hotu laka thubuai a theh luhna hmasa ber tur a ni.

Choi Min-kyng chuan China aṭang hian tih luihna hmanga thawn kir leh a ni tih sawiin, NKorea-a a kir leh hnuah mipat hmeichhiat lam hawia tih nawmnah a nih bakah nghaisak a tawk tih a sawi. Choi hi thawn kir a nih hnuah kum 2012 khan tlan chhuak lehin South Korea-ah a khawsa zui a ni. Tihnawmnah a tawh nasat avangin damdawi nena inenkawl zui reng a la ngai tih a sawi.

Database Center for North Korean Human Rights (NKDB) chuan Choi-i case hi United Nations leh International Criminal Court-ah pawh thlen an tum tih an tarlang.