Thailand-in rice loan scheme thar siam

Thailand-a rice committee chuan an rama buh
chingtute ṭanpuina turin rice loan scheme thar, dollar 524 hu an siam tih nimin khan a puang.

Kum 2017 inthlan neih turah rorellai, sipai sorkar leh eptu party-te chuan loneitute hip tumin ṭan an la nasa hle. Thailand ramah hian buhfai man a tlakhniam nasat avang≠in loneituten harsatna an tawk mek a ni.

Sorkarin rice loan scheme thar a siam hnuaiah hian loneitute chuan tonne khat an tharchhuah zelah an ram pawisa, baht 10,500 (dollar 299) an dawng ang a, Thani buh thartu chuan ton khatah baht 11,300 (dollar 322) zel an dawng dawn niin Minister of Commerce Apiradee Tantraporn chuan a sawi.

Thailand hi khawvela buhfai thawnchhuak tu lian ber pahnihna a ni mek a, mahse thla 13 chhunga, buhfai man a tlakhniam lai ber an tawng mek a ni.

Kum 2014-a sipai chakna hmanga PM aṭanga paihthlak, Yingluck Shinwatra-i chuan sipai sorkarin loneitute puala ruahmanna a siam chu, a kaihhruaiin rice policy a siam nena danglamna nei lo niin a sawi. Yingluck-i hi a kaihhruai sorkarin market rate aia sang daiha loneitute buhfai a leisak avangin thubuai siamsak mek a ni. He thil vang hian sorkar chuan sum tam tak a hloh nia puh a ni.