Wuhan-a Wet market titawp turin G20-te ngen

Australia chuan G20 ramte hnenah China-a Wuhan khawpuia ram sa zawrhna, wet market hawn leh chu tihtawp a nih theihna tura hma la turin a ngen. He wet market hi mihring hriselna leh agriculture tana him lo nia an ngaih thu Australia agricul-ture minister David Littleproud chuan sawi. 

Khawvela hri leng mek, Covid-19 hi Wuhan-a ram sa zawrhna hmun, wet market aṭanga rawn inṭan nia ngaih a ni. Wet market hi Chian chauh ni lo, Asia ram dangah pawh hmun pawimawh tak niin, thlai thar, sa leh sanghate zawrhna hmun a ni a, hmun tam zawkah chuan ramsa hi zawrh tel a ni ngai lo. 

Coronavirus a len hnuah Janaury 23 khan China chuan ram sa zawrh hi khap lailawk a, mahse tunah chuan an rama hri lengin ziaawm lam a pan tawh avang leh, Wuhan khawpuia khuahkhirhna hman pawh hlih a nih tak avangin ram sa zawrhna, wet market pawh hi an hawng leh tawh a ni. 

US official-te pawhin China-a ram sa zawrhna hmunte chu khar vek turin an lo ngen tawh bawk.