NKorea-ah Russia President security adviser a zin

Russia president, Vladimir Putin security adviser Sergei Shoigu chu nimin khan North Korea-ah a zin, President Putin thuchahte a thlen dawn a ni.

Shoigu hian North Korea hruaitu, Kim Jong-un hmuin, Juen thla tir lama a zir ṭum inremna an lo siam tawhte a taka kalpui dan chungchang a sawipui dawn a ni. Putin-a thuchah leh, inbiakna an neih tur chungchang kimchang erawh tarlan a ni lo.

Russia-in Ukraine a run hnuah Russia-North Korea inlaichinna hi a ṭha chho hle a, inpalai tawnna leh security lamah pawh inzawmna nghet zawk an siam chho tawh a ni. Shoigu pawh hi thla thum chhunga NKorea-a a zin vawi thumna a ni bawk. Tun thla tir lamah khan kal tawh bawkin, hemi ṭum hian Kim bakah sipai hotute pawh a hmu bawk a ni .

NKorea hotu Kim chuan Russia-Ukraine indona thleng mekah Russia chu an thlawp zel tur thu pawh a lo sawi tawh a, Russia sipaite pui turin indona hmunah NKorea sipai pawh eng emaw zat tirh an lo ni tawh bawk.