Bangladesh war crime court-in PM hlui Hasina hriattirna pe

Bangladesh-a war crime court chuan an ram prime minister hlui, Sheikh Hasina chu a mihringpuite lakah pawikhawihna nasa tak thlenga puhna thubuai hmachhawna court-a inlan tura hriattirna a pe.

Kum 77 mi, Hasina hi kum 2024, August thla khan zirlai pawl kaihhruaia amah leh a kaihhruai sorkar laka lungawi lohna lantira nawrh huaihawt a nih hnuah helicopter hmangin India ramah a tlanchhia a, a la awm zui ta zel a ni.

Nawrh huaihawtte leh Hasina kaihhruai sorkara security force-te inkara buaina chhuakah ian kum 2024 July - August chhung khan mi 1,400 vel an thi a ni. He thil thleng kaihhnawihah hian Hasina bakah a official hluite chu International Crimes Tribunal (ICT)-ah thubuai eng emaw zat siamsak an ni.

Chief prosecutor Muhammad Tajul Islam chuan a rang thei anga bera court-a inlan tura ko pe turin prosecution team chu hriattirna pek a nih thu a sawi. Hasina hi an an rama a kir lo a nih pawhin, June 24 hian a awm lo chungin a thubuai hi ngaihtuah chhunzawm a ni ang.