US-in Turkey-a consulate staff chhungte chhuak turin hrilh

US State department chuan Turkey rama US consulate staff chhungte chu Turkey ram chhuahsan turin a hrilh.

Tun hnai khan Turkey khawpui, Istanbul-a Ataturk airport beihnaah mi 47 thiin, mi dang 140 chuangin hliam an tuar a, he thil thlen hnu hian US state department chuan Turkey rama America mite awmna bial chu, firfiakten beih chhunzawm zel an tum thu information an dawng niin an sawi.

Istanbul-a US Con≠sultate General chu hawn chhunzawm zel a ni ang a, mahse staff chhungte erawh chu an himna ngaihtuahin Turkey ram chhuahsan tura an duh thu state department chuan a sawi. Hei bakah hian America mite chu Turkey rama zin lo turin thurawn a pe nghal bawk.

Istanbul-a airport beih a nih hnu hian france chuan Turkey khawpui, Ankara-a a embassy leh Istanbul-a consulate chu a khar lailawk tawh bawk.