Thailand mipuite an lal ruang en phalsak

October 13-a thi, Thailand lal King Bhumibol Adulyadej-a ruang chu kar kalta Inrinni aṭang khan an ram mipuite en phalsak an ni a, mi 29,480 ten zahna hlanin an lal ruang hi an en a ni.

Thailand lal thi hi ram pumah kum khat chhung sun a ni dawn a, a ruang hi mipuiten zahna an hlan theihna atan Bangkok-a lal-in throne hall-ah dah a ni. An lal ruang en tum hian kar kalta Zirtawpni aṭang khan ramchhung hmun hrang hrang
aṭangin Bangkok an pan khawm a, mi tam tak chu throne hall luh hmasak tumin lal in bulah hian puan inah te an riak a ni.

Bureau of the Royal Household (BRH) chuan lal ruang en tur hian nitin zin dar 8 aṭangin throne hall-ah mipuite luh an phalsak a, en duh an tam em avangin ni khatah mi 10,000 chin zel luh tir an tum.

King Bhumibol-a ruang hi damdawi hmanga vawn ṭhat a ni a, a ruang hi nakkum kumtawp lamah hal ral a ni ang.