Pakistan information minister an ban

Pakistan sorkar leh sipai inkarah inhriatthiam lohna lian tak a awm nia chanchinchu pakhatin, tun thla tir lama a tarlan avangin Pakistan Information Minister Pervaiz Rashid chu minister a nihna aṭangin ban a ni.

Prime Miniter office chuan kar kalta Inrinni khan thuchhuah siamin, news report chungchangah hian information minister hian a hna a thawk ṭha tawk lo nia a lan thu sawiin, thil awmdan chhui chian a nih theih nan bang tura hriattir a ni, a ti. Information Ministry chuan chanchinbu-a thuchhuah, top level meeting-a security service-te'n Pakistan-a firfiak pawlte thlawpah puh an nih chungchang a putchhuah chhanah hian Rashid hi thuruk tiputtu a nih leh nih loh chhui chian a ni dawn niin a sawi.

Pakistan sorkar leh Pakistan army inkarah inhriatthiam lohna thu hi October 6 khan Dawn chanchinbu-ah a chhuak a, firfiakte chungchangah sipai leh sorkar official-te inkar boruak chhe tak chungchang a tarlang a ni. Prime Minister office chuan he article hi thu dik lo a nih thu a sawi a, report ziaktu journalist pawh an ram chhuahsan a khapsak bawk.

Kar kalta Inrinni khan PM office chuan he article hi an ram himna khawih thei thil a nih thu leh, thu dik lo a nih thu a sawi. Mahse Dawn chanchibu editor chuan a thuchhuah leh a ziaktu journalist chu an thlawp tlat tih an sawi thung.