Slovakia-in Russia hrekna siam belh duh tawh lo

Slovakia Parliament chuan Ningani khan Russia ram hrekna siam belh thlawp tawh lo turin resolution an pass.

NATO leh European Union member, Slovakia hian prime minister Robert Fico kaihhruaina hnuaiah Russia-Ukraine indona thleng mekah Europe ram dangte tih dan anga kal loin, Ukraine nena sipai puihna a pek ṭhin pawh a lo ti tawp tawh a ni.

Prime Minister Fico chuan Russia ram hrekna siam hian Slovakia bakah European economy thlengin a nghawng tih a lo sawisel fo tawh bawk.

Ningania Parliament-in resolution a pass kimchang hi puanzar a ni lo a, mahse Russia hrekna thar siam a nih pawha thlawp tawh loh leh, Russia nena insumdawn tawnna kawnga khuahkhirhna siamte thlawp lama vote tawh lo tura tihna te erawh a tel. Fico chuan an resolution pass hi European Council president Antonio Costa hnenah a hrilh tawh tih a sawi.

Seat 10 awmna Parliament-a vote lak dawn hian eptu member-te House aṭanga an chhuah avangin member 51 vote hmangin resolution hi pass a ni.