Bangladesh hruaituin inbiakna neihpui turin party te sawm

Bangladesh sorkar lailawka hruaitu, chief advisor Muhammad Yunus chuan an ram inthlanpui buatsaih a nih dan tur sawipui turin vawiina inbiakna nei turin political party hrang hrangte a sawm.

Prime minister hlui, Khaleza Zia kaihhruai Bangladesh Nationalist Party (BNP) chuan kumin December thla chhung ngeia inthlanpui buatsaih phutin kawng an lo zawh tawh a ni. BNP chuan Yunus chu thuneihna a chan tirha a rang thei ang bera inthlan buatsaih a tiam chu a ti hlawhtling lo tih sawiin, inthlanpui neih hmaa an ram dinhmun siamṭhat phawt a ngai nia a sawi pawh dawt mai tiin an puh sak a ni.

Kum 2024 August 4 khan Sheikh Hasina kaihhruai sorkar chu paihthlak a nih hnuah Yunus kaihhruai Bangladesh sorkar lailawk hi a ding a ni. Party hrang hrangten inthlan buatsaih thuai turin an phut a, Yunus chuan December 2025 leh June 2026 inkarah inthlan buatsaih a nih tur thu a sawi a, hetih lai hian a ni bithliah nghal turin an phut thung.