Saudi Arabia-in Hajj-a hman tur AI Robot pho chhuak

Saudi Arabia sorkar chuan June 4,2025 aṭanga neih tur, Islam sakhaw hun pawimawh Hajj hmangtu, biakzina kalte lo kaihruai turin AI-powered Manara Robot a hmang dawn. Robot hian ṭawng chi hrang 11 a hmang thei a ni.

Mecca-a Grand Mosque-ah AI Robot hi pho langin, sakhaw kaihhnawih thil pawimawh hrang hrangte chu biakzina kalte a lo hrilh thei dawn a ni. A ṭawng hman theih zingah hian Arabic, English, Bengali leh Malay pawh a tel. He robot hi ram hrang hrang aṭanga Hajj hmanga kalte tan a ṭangkai dawn hle.

Manara Robot-ah hian 21-inches touchscreen a awm a, high-resolution camera leh 5G wireless network a thuam a ni. Mosque chhungah engmah buaina nei loin biakzina kalte a hruai thei dawn a ni.