Australia khawchhak lamah tui a lian

Australia chhim chhak lam bialah ruah sur nasa avangin tui a lian a, mi pahnih an thi tawh a, chin hriat lohin mi pathum an awm. Ruah hi a la sur chhunzawm dawn nia sawi a ni.

Tuilian hian Australia state zinga mipui tamna ber, New South Wales-a Hunter and Mid North Coast region-a thingtlang khaw tam takin an tuar a ni. New South Wales premier Chris Minns chuan chhiatna nasa zawk a thlen a la hlauhthawnawm thu sawiin, warning 150 tih chhuah a ni a, mi 50,000 vel chu hmun danga insawn chhuak tura tih an ni, a ti.

Chhungkaw sang tel chu power supply nei loin an awm a, nimin khan school pawh 100 chuang khar an ni. Emergency hotute chuan Manning River tui chuan kum 100 chhunga a tam ber lai a thleng niin an sawi.