Bangladesh sorkarin Sheikh Hasina party lakah khapna siam

Bangladesh sorkar lailawk, Muhammad Yunun kaihhruai chuan prime minister hlui, Sheikh Hasina kaihhruai Awmani League party chu Anti-Terrorism Act hnuaiah political party anga thil a tih chhunzawm a khap.

United Nations in a tarlan danin, kum 2024 July thlaa Hasina kaihhruai sorkarin eptu pawl, sorkar laka lungawi lohna lantirte laka beihpui a thlakah nawrh huaihawt zinga mi 1,400 an thi a ni. Hasina hi Prime Minister a nihna aṭanga paihthlak a nih hnuah himna zawngin India-ah a tlanchhe zui nghal a ni.

Asif Nazrul, government advisor on law and justice chuan Awami League leh an hruaitute thubuai chinfel a nih hma chuan Awami League chu political party anga hma an lak phalsak an ni rih lo tih a sawi. Hei hi an ram himna tur leh, nawrh huaihawtte himna tur te, thubuai ngaihtuah meka thuhretute venhimna tur atana tih a nih thu a sawi.

Yunun kaihhruai sorkar lailawk hian International Crimes Tribunal ACt siamṭhatna tur pawh a pawm tawh a, political party leh an hnuaia pawl inziaklutte chhui leh thubuai siamsak theih an ni tawh ang.

Awami League chuan sorkar thutlukna siam hi sawiselin, dan kalh a ni, a ti. NIngai khan Awami Leuge hruaitu, a chungchang chhui zui mek Abdul Hamid chuan an ram chhuahsanin ram dangah a tlanchhe ve leh bawk. He thil thleng vang hian airport-a duty, police officer pathum chu an hnaa inthlahdahah puhin ban an nih phah a ni.