US-in Pakistan sorkar chet dan dem

Pakistan sorkarin sorkar leh Pakistan Army inkarah inhriatthiam lohna awm nia sawitu, Dawn journalist Cyril Almeida-a, an ram chhuahsan a khap chu US chuan a dem thu a sawi.

State Department thupuangtu, John Kirby cuan news conference a neihah Pakistan-a journalist-te'n harsatna an tawh chungchangte chu a sawichhuak a, journalist-te hnathawh chu thil pawimawh tak a nih avang≠in an zalenna neihte rahbet sak tumna chu ṭha an tih loh thu a sawi.

Committee to Protect Journalist pawhin Pakistan sorkar hnenah Almeida zinchhuah khapna a siam chu hlip nghal turin a ngen bawk. CPJ Asia Programme Coordinator Steven Butler chuan, "Pakistan hi journalist-te tana hmun hlauh≠awm tak a ni a, mahse heti chung hian independent press ṭha leh huaisen tak tak a nei a ni" a ti. Press report tihchhuah≠ah lungawi loh vang ngawtin journalist-te zalenna chu rahbeh sak an ni tur a ni lo tiin a sawi.

Amnesty International pawh≠in thuchhuah siamin, Pa≠kistan sorkarin Almeida-a chunga Pakistan-in khuahkhirhna a hmang chu an dem thu sawiin, media mite chu zalen leh hlauhthawnna nei loa an chet vel phalsak turin a ngen. Amnesty International Director of Global Issues, Audrey Gaughran chuan, "Cyril Almeida laka khuahkhirhna siam hi journalist-te aw chhuah ngam lo leh, an hna thawk ngam lo tura siam tumna a ni. Journalism hi thilsual a ni lo, Pakistan thuneitute chuan media mite khuahkhirh a tum ṭhin hi a tihtawp a hun tawh a ni", a ti.