Obama'n US President ni tura tlinna nei loah Trump a ngai

US President Barack Obama chuan Republican president candidate, Donald Trump chu US President ni tura dawhtheihna, hriatna leh rinawmna nei loah a ngai. Hei bakah President ni tura hriatna neih ngaite chu neih tumna nei loah a puh bawk.

Republican president candidate lo ni tawh, John McCain leh Mitt Romney-te lakah Trump chu a danglam hle tih Obama chuan a sawi a, "John McCain nena inthlana kan inkhin lai leh, Mitt Romney nena kan inkhin khan economy, foreign policy leh kalphung dangah te ngaihdan in ang lo tam tak kan nei a ni. Inthlan kan neihah pawh khan kan inthlau lo hle. Debate te pawh kan nei a, khangah khan America tana thil ṭha zawk turte kan duang a, ka khingpui ni tawh pahnihte englai mahin mi zahawm lo tiin ka rilruah pawh ka dah chhin ngai lo", a ti. Mc Cain leh Romney chu Oval Office luah zawk ni se US chu a buai phah a ring ngai lo a, US aiawh tlak loha ngaihna a nei ngai lo a, party hran leh thuthlung hran nei aiawh nia a ngai mai tih a sawi.

Mahse kumin inthlan neih tura Republican candiate Donald Trump chu tun hnaia a hmingchhiatna, kum 2005 tape tihchhuaha hmeichhe chungchang mawi lo taka a sawina thehdarh a nih hma aṭang tawhin president atana tling tawk loha a ngai sa tawh tih a sawi.