Syria vangin Putin-a'n France a tlawh tur ṭhulh

  chuan tun thla tawp lama France ram tlawh a, France President Francois Hollande nena meeting an neih tur chu Syria ram chungchang avangin a ṭhulh.

France sorkar chuan Hollande leh Putin-te'n meeting an neihah hian Syria tualchhung buaina thleng mek chungchang chauh sawi a ni dawn tih a tarlang a, hemi hnu hian Putin chuan a zin tum hi a ṭhulh a ni.

France President Hollande chuan Russia chu Syria-a Aleppo khuaa a bomb avangin war crime thubuai siamsak theih a ni tih a lo sawi tawh bawk.

Putin-a thupuangtu chuan Putin-a zin tur
ṭhulh a nih thu hi a sawichiang tawh a, President Hollande nena boruak ṭha tak hnuaiah inbiakna an neih theih hunah a zin dawn tih a sawi. Mahse Hollande chuan Syria ram boruak siamṭhatna a nih dawn chuan Putin hi eng hunah pawh a hmu thei dawn tih a sawi thung.

Russia hian Aleppo-a Syria sorkar laka helte lakah beihpui a thlak chhunzawm reng a, monitoring group, Syrian Observatory for Human Rights chuan Thawhlehni khan Aleppo khawchhak lam chu nasa taka beih a nih thu sawiin, civil mi 12 an thi niin an sawi a, thi zingah hian naupang pawh an tel niin a sawi.

Chhawmdawl hna thawktu, Medecins Sans Frontieres chuan Aleppo khuaah ambulance hmanlai 11 chauh an nei tawh tih sawiin, a dangte chu bomb chhiat zingah an tel niin an sawi.