China-in hri leng thawh hnihna thlen hlauthawng
Covid-19 len ṭanna, China ramah chuan ram chhung aṭanga hri leng kai an tlahniam zel a, hri kai hmuh hmasakna ber Hubei province-a Wuhan City-ah phei chuan ni ruk chhung hri kai thar report an awm tawh lo bawk.
National Health Commission chuan Pathianni khan hri kai hmuh chhuah thar hi mi 31 an awm tih sawiin, an zinga pakhat chauh hi ram chhung aṭanga kai a ni. Inrinni khan hri kai mi 45 hmuh an ni bawk.
Health official-te chuan ram chhungah hri kai zat nasa takin tlahniam tawh mah se, hri leng avanga ram pawn lam aṭanga haw an awm belh zel avang leh, heng mite aṭang hian an ramah hri leng thawh hnihna a thlen mai an hlauthlawng hle.
Kar liam ta Inrinni aṭang khan ram dang mi luh an khap a, Pathanni aṭang khan tiam chin awm loin international flight-te a titawp bawk.