Australia inthlanpuiah PM kaihhruai Left Party chak leh

Australia ram inthlanpui neihah prime minister Anthony Albanese kaihhruai Labor party chu hneh taka thlan tlin a ni.

Inrinni liam ta khan inthlan hi neih a ni a, vote chhiar kim la ni chiah lo mah se rorellai hian House of Representatives-a seat 150 awm aṭangin seat 85 an la tawh a, majority an nei pha der tawh.

Parliament hmasaah khan Labor Party hian seat 78 an nei a, an term hnihnaah hma an sawn a, hei hi Australia politics-a thil thleng khat tak a ni.

An chak tih an hriat hnua chanchinthar lakhawmtute a kawmnaah, PM Albanese chuan Australia mipuite chuan inṭhendarh aiin inpumkhat an duh tih an lantir a ni, a ti. 'Kan term khatna ang bawkin sorkar awmze nei, inthununna fel tak nei kan ni leh ang," tiin a sawi. Economic minister Jim Chalmers pawhin an ram mipuite ngel nghehna an duh avangin term hnihna atan an thlang tling leh tih a sawi ve bawk.

Liberal-National ṭangrual pawl hruaitu, Peter Dutton chuan an chak loh an pawm thu sawiin, mawhphurhna pumhlum a lak thu a sawi. Ṭangrual pawl hian seat 40 vel an lak theih rin a nia , Greens Party chuan seat hnih an lak rin a ni bawk.