UK-in Houthi helpawl lakah beihpui thlak

British sipaite chuan Yemen-a Houthi helpawl lakah airstrike an nei a, hei hi US-in Iran thlawp, Houthi laka beihpui a thlak thar lehnaa an tel vena hmasa ber a ni.

UK Defence Ministry chuan Houthi hel hoin Red Sea leh Gulf of Aden-a lawng beihna atana an hman, drone an siamna hmun building chu an bitum tih a sawi. Houthi beihna atan hian Royal Air Force Typhoon FGR4s hman a ni a, Paveway IV guided bomb an thlak tih Ministry chuan a tarlang. An beihpui thlak hi zan rei, civil mite an awm loh lai hun a nih thu a sawi bawk. Beihpui thlaknaah hian eng eng nge an tih chhiat tih leh, thi an awm leh awm loh pawh an sawilang lo.

"Hei hi Houuthi ten tuipuia lawng kal an vau leh beih ṭhin chhan letna a ni," tiin UK secretay of state John Healey chuan a sawi. Houthi ten an beih ṭhin avangin Red Sea-a lawng lian kal ṭhin pawh 55% velin a tlahiam a, hemi avanga sum hoih hi dollar tluklehdingawn tel a tling a ni, a ti.