2024-ah sipai puala hman USD tld 2,718 a tling

Khawvelah ram indona leh tualchhung buaina a thleng fo a, hei vang hian sipaite thuam chakna tura ram hrang hrangte sum sen pawh a tam chho hle. Kum 2024 khan khawvel huapa sipai puala sum sen ral chu USD tld 2,718 a kai chho niin Stockholm Internationa Peace Research Institue (SIPRI) report chuan a tarlang.

Kum 2024-a ram hrang hrangten sipai puala sum an hman hi a kum hmasa, kum 2023 aiin 9.4% in a tam zawk a ni. Europe leh Middle East lam sum hman hi a pung nasa zual a, hei hi Russia-Ukraine indo vang leh Gaza Strip buaina thleng mek vang a ni.

Report chuan sipai puala sum sen hi khawvel pum gross domestic product (GDP)-a 2.5% a tling pha.

Kum 2024-a sipai tana sum seng hnem ber chu USA a ni leha, a sum sen ral hi khawvel huapa sipai tana sum sen ral aṭanga 37% a nih pha a ni. China chuan dawtin 12% a nipha ve bawk. Anni ram pahnih chauhin an sipaite tana sum an sen hi khawvel puma sum sen aṭanga 50% aiin a tam.

Germany chuan nikum chhung sipai tana sum a hman hi 28% a pungin USD tld 88.5 a tling a, khawvel huapa sum seng tam palinaa niin Central leh Western Europe-a sum hmang tam ber a ni bawk.

Ram hrang hrangten kum 2024 chhunga sipai tana sum an hman ral aṭangin, a hmang tam zual ram 10-te sum hman hi 73% a ni pha a ni.