Power supply tawp vangin Spain leh Portugal buai

Spain leh Portugal ah Thawhṭanni khan hmun tam takah power supply a tawp a, hei vang hian public transport a nghawng buai hle. Traffic jam nasa tak a awm phah bakah, thlawhtheihna service pawh eng emaw zat tih khawtlai a ni bawk.

Power supply tawp hi darker khat vel a ni a, thuneitute chuan a chhan tak an la sawi chiang lo, chhui chian mek a ni tih an sawi. Spain leh Portugal sorkar chuan emergency meeting an nei nghal bawk. He buaina hian Spain hmarchhak lam ramri bula France ram hmun ṭhenkhat pawh a nghawng tel. Madrid Open tennis tournament-a Grigor Dimitrov leh Jacob Fearnley inkhel pawh tih tawp a nih phah a ni. Traffic light te an thim vek avangin traffic a jam nasat phah hle a, Madrid khawpuiah chuan mi tam tak chu office building aṭangin an tlan chhuak a, building pawimawhte chu police ṭhahnem takin an veng zui a ni. Tower building pali zinga pakhata awmte chu sawn chhuah a ni hman bawk.

Portugal-ah power supply tawp thut vang hia Lisbon leh Porto metor te khar a ni a, Lisbon airport erawh back-up generator hmangin hawn a ni.