Bangladesh Police-in Hasina lakah Interpol Red Notice ngen

Bangladesh police-a national central bureau (NCB) chuan Interpol hnenah an ram prime minister hlui, ram danga tlanchhe mek Sheikh Hasina bakah mi dang 11 lakah REd Notice ti chhuak turin a ngen.

NCB hian ngenna hi thawh thumin a theh lut a ni. Interpol Red Notice, Red Notice tia sawi mai hi ram danga tlanchhe mekte an thubuai ngaihtuah nih theihna atana an awmna chin zawn chhuah a, man theihna tur a ni. International police organization hian hei hi thil ti sualtu, ram danga tlanchhiate man an nih theihna atana ram hrang hrangte thawh hona atan a hmang ṭhin. NCB chuan Red Notice tih chhuah hi court, public prosecutor leh investigative agency-te ngenna theh luh behchhanin Interpol hnenah hian a ngen a tih a sawi.

Kum 77 mi, Sheikh Hasina hi a kaihhruai sorkar paihthlak a nih hnuah nikum Augusts 5 kha India amah tlanchhiain tun thlengin a la awm a ni. Bangladesh-a chief adviser Muhammad Yunun kaihhruaia sorkar lailawk a din hnuah Hasina leh cabinet minister eng emaw manna tur thupek pawh tih chhuah a lo ni tawh bawk.