US-in Yemen fuel port a kap

US sipaite chuan Yemen helpawl, Houthi an beihna kal zelah Yemen-a fuel port pawimawh, Ras Issa fuel port a kah chhiatsak. US sipaite beihpui thlaknaah hian mi 20 thi niin Houthi lam chuan an sawi bawk.

Iran thlawp Houthi helte supply an lak luhna danchahna atan fuel port hi beih a nih thu US chuan a sawi. Houthi ten Red Sea leh Gulf of Aden-ah civil leh sipai lawnglian an beih ṭhin tih tawp tir tumin March 15 aṭang khan US hian helpawl lakah hian nitin deuhtawh airstrike a nei a ni. Houthi hian kum 2023 kumtawp lam aṭang khan Gaza-a Palestinian te an thlawpna lantirna tiin tuipui lawngte hi an bei ṭan a ni. Nimin khan Israel chuan Yemen aṭanga missile kah chhuah an lo dan chah thu an sawi.