UK-in Ukraine puihna atan £ mtd 450m hu pe dawn

United Kingdom chuan Russia nena indo mek, Ukraine sipaite puihna turin £ mtd 450 hu a pe dawn tih a puang. UK leh Germany chuan Ukraine puihna tur chungchang ngaihtuahin ram 50 meeting chu Brussel-ah huaihawt an tum bawk.

UK defence secretary John Healy chuan Russia-in Ukraine awpbeh tuma a beih zelna chu dan chah tuma hma an lak a ngai ani tih a sawi. Ukraine sipai puihna an pek tur zingah hian drone leh anti-tank missile ṭhahnem tham tak bakah sipai motor thuam ṭhatna turte pawh a tel.

Healy chuan kum 2025 chu Ukraine tan kum harsa tak a ni tiin, defence minister an nih angin an tih tur chu indo na hmachhawn mektu, Ukraine sipaite mamawh lo ngaihtuahsak chu a ni, a ti.

Thla hmasa khan Sir Kier Starmer chuan Ukriane tan missile deal £ td 1.6 hu siam a nih thu a puang. Hei bakah London-a Europe ram hruaitute inhmukhawm chuan Ukraine sipaite chhawmdawlna turin loan £ tld 2.2 pek a nih tur thu an lo sawi tawh a, heng sum hi Russia thil neih an hrensak aṭanga hlawkna an hmuh hmanga pek tur a ni ang.