SKorea eptu hruaituin President chuh a tum thu puang

South Korea-a eptu party lian ber, Democratic Party hruaitu Lee Jae-Myung chuan an ram President thlanna neih turah a chuh dawn tih nimin khan a puang.

Constitutional Court-in martial law a puan avanga President aṭanga Yoon Suk Yeol a ban tak avangin, June 3 hian South Korea President thar hi thlan a ni dawn a ni.

Kum 61 mi, Lee hian kum 2022 President thlannaah khan Yoon hi a hneh lo a, a hneh lohna zat hi an ram chanchina President inthlannaa vote inthlauhna tlem ber a ni. Mahse Lee hian nikuma Parliament inthlanah a party hi hnehna a chanpui thung.

President chuh a tum avangin Lee hi Nilaini khan epty party hruaitu a nihna aṭangin a bang a ni. Mipui ngaihdan lakah pawh President thar atana Lee duhtu hi an la tam ber a ni. Rorellai People Power Party chuan an party presidential candidate hi May thlaah party primary election hmangin tih fel an tum.