DR Congo-ah anthrax vangin tuivawk 50 an thi

DR Congo rama national park upa ber, Virunga-ah anthrax hri vangin tuivawk 50 bakah ramsa lian chi dang eng emaw zat an thi.

Park official-te chuan kar liam ta aṭang khan ramsa zingah anthrax vei hi hmuh ṭan an nih thu sawiin, rei lote chhungin eng emaw zatin an thihpui tih an sawi. A tirah chuan an thih chhan hi hriat a ni lo a, mahse test neih huah anthrax hi hmuh a ni tih an tarlang.

Virunga park director Emmanuel de Merode chuan anthrax poisoning vanga thi ramsa ruang hi zawn zel niin, he hri hi a darh lohna turin an phum nghal zel thu a sawi. Mahse hmanruate an neih ṭhat loh avangin a hautak hle tih a sawi bawk.

Anthrax hi bacillus anthracis in a thlen a ni, thihpui theih a nih rualin a hri erawh a darh chak lo thung. He hri hi ramsaah hian an thil hip luh emaw, an hliam emaw aṭangin an kai thei a ni.

Congolese Insitute for the Conservation of Nature chuan mipuite chu ramsa sate chu ei lo tur leh, tui pawh chhuang so ṭha vek turin a chah.

Virunag Park hi square km 7,800 a zau niin, Africal khawmuala national park hlauhawm ber zingah chhiar tel a ni tel bawk. Khualzinte tlawh nasat hmun a nih rualin, park chhungah hian helpawl hrang rang an awm fo a ni. Park-a ramsa te hi an pel nasa ṭhin hle a, a ven hna thawktu park rangers tam takin an thihphah tawh bawk. Park-a tuivawk awm zat hi tih pun tumin kum eng emaw chen aṭang khan hma lak a ni a, ramsa pel an tam avang leh park chhunga inbeihna thleng ṭhin avangin tuivawk awm zat hi a tlahiam tawh hle thung.