Dominican Republic nightclub chimah mi 98 an thi

Dominican Republic khawpui, Santo Domingo-ah an ram huna Thawhlehni zing lam khan nightclub chung a chim a, mi 98 an thi a, hliam 150 chuang an awm bawk.

Nightclub chim hi Jet Set nightclub niin, Thawhlehni zing amah merengue singer lar tak, Rubby Perez-a'n concert a neih laiin in chung hi a rawn chim a ni. Perez hi thi zingah a tel.

Chhiatna thlen laia in chhunga awm zat chiah hi hriatchian a ni lo, Perez band member chuan in chhung hi an khat vek niinans awi. In chimin a delhte zawn leh chhanchhuah hna hi thawktu 400 velin an thawk mek. Thi zat pawh hi an la pun chhoh a rinawm. Emergency Operations Centre (COE) director, Juan Manuel Mendez chuan in chim hnuaia tang zinga a tam zawk chu nungdama an la awm an beisei thu a sawi.

Jet Set hi Santo Domingo-a nightclub lar tak niin, Thawhṭanni zan hian dance music concert an buatsaih fo ṭhin. Concert hi optician, infiammi leh mi lar dang tam takin an chhim fo ṭhin a ni. Thawhlehni zinga in chung chim avanga thi zingah hian Monte Cristi province governor Nelsy Cruz pawh a tel. Ani bakah provincial governor leh Major League Baseball pither hlui, Ocatvio Dotel pawh thi zingah a tel bawk.